„Það hefur ekki tíðkast að úrskurða ógild atkvæði þótt þau hafi verið greidd með penna en fyrirmælin í lögunum eru auðvitað að það skuli vera ritblý,“ sagði Erla S. Árnadóttir, formaður yfirkjörstjórnar í Reykjavíkurkjördæmi norður.

Í 82. gr. laga um kosningar til Alþingis segir að kjósandi skuli greiða atkvæði með ritblýi. Þá segir í 81. gr. sömu laga að kjörstjórn skuli útvega dökk ritblý.

Á Facebook-síðunni Íslendingar í útlöndum skapaðist umræða um hvort utankjörfundaratkvæði þyrfti að fylla út með blýant en ekki penna. Fram kom að hjá einu sýslumannsembætti hefði starfsmaður afhent kjósanda penna til að skrifa á kjörseðilinn. Og nokkrir sögðust alltaf hafa kosið með penna. Voru um það vangaveltur hvort þessi atkvæði væru hugsanlega ógild en þær áhyggjur eru ástæðulausar.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir