Fundur landskjörstjórnar hafinn
Setja bókamerki
Fundur landskjörstjórnar stendur nú yfir í húsakynnum nefndasviðs Alþingis við Austurvöll. Á fundinum verður meðal annars rædd sú óvissa sem ríkir um talningu atkvæða í Norðvesturkjördæmi.
Landskjörstjórn er falið að úthluta þingsætum til þingmanna og því verður, eins og gefur að skilja, að vera nokkuð skýrt hvaða þingmenn hafa verið kjörnir til setu á Alþingi og hverjir ekki.
Stefnir í enn meiri sviptingar
Eins og alkunnugt er fór fram endurtalning atkvæða í Norðvesturkjördæmi í gær og skolaðist uppröðun jöfnunarþingsæta allhressilega til. Fyrir endurtalninguna sátu 33 konur á þingi en að henni lokinni hafði þeim fækkað um þrjár, svo dæmi sé tekið.
Kristín Edwald, formaður landskjörstjórnar, sagði við mbl.is í morgun að á fundinum yrði líklega lögð fram beiðni til yfirkjörstjórnar í Norðvesturkjördæmi um að hún leggi fram skýrslu um starfshætti sína við atkvæðatalningu.
Par flutt á bráðamóttöku eftir árás
Hjúkrunarfræðingar skrifa undir kjarasamning
Frestar skerðingum fyrir norðan og austan
Neyðarástand kalli á tafarlaus viðbrögð
„Mjög bagalegt“ að klára ekki málið
Nota ekki jólaljós til að níðast á fólki
Óvissustig á mörgum vegum