Landskjörstjórn fundar í dag um óvissuna
Oddur Þórðarson
Setja bókamerki
Landskjörstjórn ætlar að koma saman til fundar klukkan hálftvö í dag. Þetta segir Kristín Edwald, formaður landskjörstjórnar, við mbl.is.
Tilefni fundarins er sú óvissa sem komin er upp vegna endurtalningar í Norðvesturkjördæmi og framkvæmdar talningar þar.
Atkvæði í kjördæminu voru talin aftur í gær og skolaðist skipan jöfnunarþingsæta ansi hressilega til. Gera má ráð fyrir að slíkt geti hent aftur ef talið verður að nýju í t.d. Suðurkjördæmi.
Kristín segir líklegt að landskjörstjórn fari fram á að yfirkjörstjórn í Norðvesturkjördæmi geri skýrslu um framkvæmd talningar í kjördæminu, til upplýsingar fyrir landskjörstjórn.
Landskjörstjórn fer ekki með vald yfir yfirkjörstjórnum
Kristín segir að landskjörstjórn hafi ekkert með talningu eða framkvæmd hennar að gera, einungis sé slíkt á forræði einstaka yfirkjörstjórna.
Landskjörstjórn ber þó að úthluta þingsætum og því verður, eins og liggur í hlutarins eðli, að liggja skýrt fyrir um hvernig kosningarnar fóru áður en það er gert.
Kristín segist ekki vilja tjá sig, á þessu stigi málsins, um hvort talið verði aftur í einstaka kjördæmum, eða hvort kjósa þurfi aftur. Allt slíkt er yfirkjörstjórna í einstaka kjördæmum að meta, ekki landskjörstjórnar.
Líklega talið aftur í Suðurkjördæmi
Vinstri græn hafa óskað eftir því að talið verði aftur í Suðurkjördæmi, enda munaði aðeins sjö atkvæðum á atkvæðafjölda þeirra og Miðflokksins.
Álfheiður Eymarsdóttir, oddviti Pírata, tekur undir þá beiðni og segir sjálfsagt að VG nýti sér þann rétt að óska eftir slíku.
Óvissustigi á Vestfjörðum aflýst
/frimg/1/50/98/1509812.jpg)
Aukin tíðni strætóferða fyrir fleiri íbúa
Upptökur með leynd færast í vöxt
„Mjög bagalegt“ að klára ekki málið
Hjúkrunarfræðingar skrifa undir kjarasamning
Unnu eftir kröfugerð sem lögð var fram í upphafi