Yfirkjörstjórn í Norðvesturkjördæmi harmar þá stöðu sem er komin upp vegna starfa hennar á talningarstað í kosningunum. Biður yfirkjörstjórnin frambjóðendur og kjósendur afsökunar, en tekið er fram að talningarfólk og starfsfólk á talningarstað hafi sinnt starfi sínu af heilindum. Þetta kemur fram í tilkynningu frá yfirkjörstjórninni.

Lýsir hún því að ábyrgðin á stöðunni sé alfarið yfirkjörstjórnar og óskar þess að starfsmenn verði ekki dregnir í umræðuna um málið. Þá er tekið fram að yfirkjörstjórnin og einstakir fulltrúar hennar muni ekki tjá sig frekar um málið að sinni.

Undir yfirlýsinguna rita Ingi Tryggvason, formaður, Bragi R. Axelsson, Ingibjörg Inga Guðmundsdóttir, Guðrún Sighvatsdóttir og Katrín Pálsdóttir, en yfirlýsingin er send út af Berglindi Lilju Þorbergsdóttur, starfsmanni yfirkjörstjórnar.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt