Kærendur kosninga koma fyrir nefnd í dag
Setja bókamerki
Kærendur framkvæmdar og úrslita alþingiskosninganna koma í dag fyrir undirbúningsnefnd fyrir rannsókn kjörbréfa og gera grein fyrir kærum sínum og umkvörtunarefnum.
Alls hafa tólf kærur borist dómsmálaráðuneytinu og Alþingi, sem undirbúningsnefndin tekur fyrir. Kærufrestur er þó ekki enn útrunninn.
Dagurinn fari í að hlusta
Björn Leví Gunnarsson, nefndarmaður í undirbúningsnefndinni, segir í samtali við mbl.is að dagurinn í dag fari í að hlusta. Hann segir fundinum miða vel og sé gott innlegg í vinnu nefndarinnar.
Magnús Davíð Norðdahl, Rósa Björk Brynjólfsdóttir, Hólmfríður Árnadóttir og Guðmundur Gunnarsson komu fyrir nefndina fyrir hádegi og koma aðrir kærendur eftir hádegi.
Ferðin í Borgarnes nauðsynleg
Spurður segir Björn Leví að vettvangsferð undirbúningsnefndarinnar í Borgarnes fyrr í vikunni hafi verið nauðsynleg. Þar könnuðu nefndarmenn aðstæður á talningarstað, heimsóttu lögreglu og sýslumann og fylgdust með endurtalningu ónotaðra kjörseðla.
„Ferðin fyllti vel inn í myndina, algjört lykilatriði. Það eru ekki öll kurl komin til grafar í þessu máli,“ segir Björn Leví.
Ísland mun styðja við uppbyggingu í lok stríðs
Þyngra en tárum taki
Varnarmál í norðri munu fá meira vægi
„Maður er að anda að sér eignum fólks“
Miklar rakaskemmdir og mygla í Lögbergi
Áhrif örvandi fíkniefna meginorsök banaslyss
Stefnt að því að auka ekki útgjöld á árinu