Undirbúningsnefnd fyrir rannsókn kjörbréfa hefur borist kæra þar sem þess er krafist að Alþingi ógildi kosningu Birgis Þórarinssonar og staðfesti ekki kjörbréf hans. Í staðinn verði landskjörstjórn falið að gefa út kjörbréf til handa Ernu Bjarnadóttur, frambjóðanda Miðflokksins í Suðurkjördæmi.

Birgir var kjörinn á þing fyrir Miðflokkinn í síðustu kosningum en skömmu síðar gekk hann til liðs við Sjálfstæðisflokkinn.

Frétt af mbl.is

Skora á Birgi að segja sig frá þingmennsku

Fram kemur í kærunni að kjósendur Miðflokksins í Suðurkjördæmi hafi keypt köttinn í sekknum því Birgir gat þess hvergi í aðdraganda kosninganna að unnið væri gegn honum innan flokksins eða hann teldi sig ekki eiga samleið með öðrum oddvitum flokksins.

„Flestir hljóta að vera sammála um að það sé bæði óheiðarlegt og ólýðræðislegt að villa á sér heimildir í kosningum til Alþingis. Ef kjörbréfanefnd og Alþingi sjálft lætur svindl sem þetta óátalið þrátt fyrir heimildir í lögum má reikna með að fleiri slíkar uppákomur eigi sér stað í komandi kosningum. Þetta væri ömurlegt fordæmi og alls ekki til þess fallið að auka tiltrú fólks á störfum Alþingis og leikreglum lýðræðisins,“ segir í kærunni og bætir kærandi því við að athæfi Birgis hafi verið bæði ámælisvert og ósiðlegt. 

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 3 blogg um fréttina

Bloggað um fréttina

• Benedikt V. Warén: Kirkjan.
• Jónatan Karlsson: Burt með Birgi.
• Helga Dögg Sverrisdóttir: Auðvitað á Erna að fara á þing