Undirbúningsnefnd fyrir rannsókn kjörbréfa hefur í þessari viku lagt áherslu á að fara yfir þau gögn sem nefndin hefur safnað og átta sig á því hvort frekari upplýsinga er þörf. Birgir Ármannsson, formaður nefndarinnar, telur að uppýsingarnar liggi að mestu leyti fyrir þannig að hægt sé að meta gögnin og komast að niðurstöðu.

Samhliða því hefur nefndin verið að skrifa texta til að vinna með. Birgir tekur fram að það séu skjöl á vinnslustigi og nefndin eigi þó nokkra fundi eftir til að geta skilað af sér áliti. Eftir sé að ræða betur ákveðin matskennd atriði og komast að niðurstöðu um þau.

Skýrist í komandi viku

Birgir treystir sér ekki til að áætla hvenær nefndin lýkur vinnu sinni en telur að málið muni skýrast í komandi viku.

Nefndin fundaði síðast í gær og Birgir segir að nefndarmenn vinni að málinu heima um helgina.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir