Flokksstofnanir funda um stjórnarsáttmálann
Setja bókamerki
Flokkstofnanir Vinstri Grænna, Sjálfstæðisflokksins og Framsóknarflokksins sitja nú á fundum um stjórnarsáttmála nýrrar ríkisstjórnar.
Leggi þær blessun sína yfir stjórnarsamstarfið verður boðað til þingflokksfunda stjórnarflokkanna í fyrramálið þar sem formenn flokkanna munu hver fyrir sig leggja fram tillögu að skipan ráðherraembætta á vegum flokkanna.
Þegar mbl.is ræddi við Birgi Ármannsson, þingflokksformann Sjálfstæðisflokksins, og Bjarkey Olsen Gunnarsdóttir, þingflokksformaður Vinstri grænna, töldu þau ólíklegt að nokkuð yrði flokkstofnunum til fyrirstöðu að samþykkja stjórnarsáttmálann.
Ljósmyndari mbl.is náði þessum myndum af fundum Vinstri Grænna og Sjálfstæðisflokksins sem hófust fyrir stuttu.
Til stendur að óbreyttu að hin nýja ríkisstjórn verði kynnt á blaðamannafundi á morgun kl. 13, þar sem grein verður gerð fyrir nýjum stjórnarsáttmála, breyttri skipan ráðuneyta og hverjir muni gegna ráðherraembættum í stjórninni.
Fordæma árásir á ísraelska áhangendur
„Áhugavert að sjá skjálfta þarna“
Fimm á sjúkrahús og 62 handteknir í Amsterdam
Deiliskipulag úr gildi
Oddvitaviðtöl í Reykjavík suður
Alvarlega veikar og greindust að lokum með alnæmi
Kílómetragjald: „Mikilvægt að málið verði klárað fyrir þinglok“