Framsókn stýri heilbrigðisráðuneytinu
Karítas Ríkharðsdóttir
Setja bókamerki
Miðstjórn Framsóknar og flokksráð Sjálfstæðisflokksins og Vinstrihreyfingarinnar – græns framboðs funda sem stendur um stjórnarsáttmála flokkanna þriggja og greiða síðan atkvæði honum til samþykktar.
Nokkuð er um verkefnatilfærslur á milli ráðuneyta og endanleg nöfn ráðuneyta liggja ekki fyrir. Ráðuneytin verða í heildina tólf.
Heimildir mbl.is herma að tilkynnt hafi verið heilbrigðisráðuneytið muni falla Framsókn í skaut, ásamt nýju innviðaráðuneyti með samgöngu-, sveitarstjórnar-, húsnæðis- og skipulagsmálum.
Mennta- og menningamálaráðuneytinu verður skipt upp og mun Framsókn fara með skóla- og barnamál. Þá verður uppstokkun á atvinnumálum og mun Framsókn fara með ferðaþjónustu, menningu, skapandi greinar, viðskipti og samkeppnismál.
Vinstri hreyfingin grænt framboð muni stýra forsætisráðuneytinu, félagsmálaráðuneytinu og matvæla- sjávarútvegs- og landbúnaðarráðuneyti.
Sjálfstæðisflokkurinn mun stýra fjármálaráðuneytinu, umhverfisráðuneytinu, utanríkisráðuneytinu, dómsmálaráðuneytinu og hluta atvinnumála með nýsköpun ásamt háskólamálum.
Uppfært: Miðstjórn Framsóknar og flokksráð Sjálfstæðisflokksins og Vinstri grænna hafa samþykkt sáttmálann.
Fréttin hefur verið uppfærð.
Selenskí: N-Kórea heyir stríð í Evrópu
Fordæma árásir á ísraelska áhangendur
„Áhugavert að sjá skjálfta þarna“
Engin læknisþjónusta á heilsugæslunni í verkfalli
Bindur vonir við að koma fjárlögunum í gegn
Með réttarstöðu sakbornings við rannsókn banaslyss
Þungt hugsi yfir ofbeldinu