Sjálfstæðismenn stefna á prófkjör í Reykjavík
Setja bókamerki
Stjórn Varðar, fulltúaráðs sjálfstæðisfélaganna í Reykjavík, ákvað á fundi sínum í kvöld að leggja til við fulltrúaráðið að haldið verði prófkjör fyrir komandi borgarstjórnarkosningar.
Enn fremur var lagt til að það verði haldið um miðjan mars, og að kjörskrá verði lokað tveimur vikum fyrr.
Þetta herma heimildir mbl.is.
Í tilkynningu sem síðan hefur borist frá Verði segir að stjórnin hafi ákveðið að boða til fulltrúaráðsfundar í Valhöll fimmtudaginn 10. febrúar.
Verður þessi ákvörðun stjórnarinnar þar borin undir fulltrúaráðið.
Á fundi Varðar um miðjan desember var samþykkt að leggja fyrir fulltrúaráðið að ekki yrði farið í hefðbundið prófkjör við val á lista fyrir borgarstjórnarkosningarnar í vor, heldur yrði ráðist í leiðtogaprófkjör. Sú ákvörðun var gagnrýnd af ýmsum flokksmönnum og borgarfulltrúum.
Borgarfulltrúarnir Katrín Atladóttir og Eyþór Arnalds munu ekki bjóða sig fram en búist er við að flest aðrir núverandi borgarfulltrúar flokksins gefi aftur kost á sér.
Hildur Björnsdóttir er eini borgarfulltrúinn sem hefur gefið út framboðstilkynningu og sömuleiðis sú eina sem hefur boðið sig fram í oddvitasætið.
Eins og mbl.is greindi frá í vikunni íhugar Marta Guðjónsdóttir borgarfulltrúi að gefa kost á sér gegn Hildi.
Þá hafa Helga Margrét Marzellíusardóttir og Þorkell Sigurlaugsson gefið út framboðstilkynningu. Helga sækist eftir 5. sæti en Þorkell eftir 2. til 3. sæti.
„Höfum sloppið bærilega með skaða af þessu gosi“
Hraun kemur úr þremur gígum: Virknin stöðug
Dómur þyngdur um þrjú ár
Nýtt fangelsi í landi Stóra-Hrauns tilbúið 2028
Viðræður ekkert þokast frá því á þriðjudag
/frimg/1/53/8/1530849.jpg)
Fatlaður drengur fær ekki þjónustu í verkfalli
Börn hafi engan rétt á leikskólakennslu