Guðmundur Árni Stefánsson, fyrr­ver­andi bæj­ar­stjóri í Hafnar­f­irði, þingmaður og ráðherra, bar sigur úr býtum í prófkjöri Samfylkingarinnar í bæjarfélaginu.

Árni Rúnar Þorvaldsson sóttist einnig eftir fyrsta sætinu.

Kosning fór fram í dag, en kosning í sex efstu sætin er bindandi fyrir uppstillingarnefnd að teknu tilliti til reglna Samfylkingarinnar um að ekki halli á hlut kvenna.

Í tilkynningu frá flokknum segir að niðurstöðurnar hafi því verið á þessa leið:

1. Guðmundur Árni Stefánsson með 537 atkvæði í 1. sæti
2. Sigrún Sverrisdóttir með 290 atkvæði í 1-2. sæti
3. Árni Rúnar Þorvaldsson með 485 atkvæði í 1-3. sæti
4. Hildur Rós Guðbjargardóttir með 351 atkvæði í 1-4. sæti
5. Stefán Már Gunnlaugsson með 429 atkvæði í 1-5. sæti
6. Kolbrún Magnúsdóttir með 434 atkvæði í 1-6. sæti

Á kjörskrá voru 2.225 og greiddu 962 atkvæði eða 43%.

Frétt af mbl.is

Þrettán í framboði í Hafnarfirði

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt