Fyrsti slagurinn um Heimdall í langan tíma

Hópur undir forystu Gunnars Smára Þorsteinssonar hefur gefið kost á sér til stjórnarsetu í Heimdalli, félagi ungra sjálfstæðismanna í Reykjavík, en aðalfundur fer fram í vikunni, dagana 23. til 25. febrúar.

Hópurinn undir forystu Gunnars Smára.

Verður þar með barátta í stjórnarkjörinu í fyrsta skiptið í fimm ár, eða frá árinu 2017, en áður hafði listi undir forystu Birtu Karenar Tryggvadóttur boðið sig fram. Síðustu ár hefur formaður og stjórn Heimdallar verið sjálfkjörin.

Frétt af mbl.is

Birta Karen býður sig fram í sæti formanns

Gunnar Smári er 26 ára og er á lokaári í meistaranámi í lögfræði við Háskóla Íslands. Árin 2016 – 2020 starfaði Gunnar Smári hjá Borgun, m.a. sem sérfræðingur í rekstrarlausnum á færsluhirðingarsviði. Þá hefur hann undanfarin tvö ár starfað sem laganemi á Rétti – Aðalsteinsson & Partners.

Gunnar Smári var aðstoðarmaður dósents við Lagadeild HÍ og hefur verið aðstoðarkennari við deildina. Sumarið 2020 vann Gunnar Smári að rannsóknarverkefni um áhrif ófyrirsjáanlegra og óviðráðanlegra ytri atvika á skuldbindingargildi samninga, en verkefnið var styrkt af Nýsköpunarsjóði námsmanna. 

Þau Gunnar Smári og Birta Karen bjóða sig fram til formanns Heimdallar. Samsett mynd

Þá hefur Gunnar Smári setið í framkvæmdastjórn SUS og er alþjóðafulltrúi sambandsins. Hann sat í stjórn Heimdallar 2018-2020, stjórn Vöku fls. 2018-2019 og stjórn Orators, félags laganema í HÍ 2019-2020, sem ritstjóri Úlfljóts, tímarits laganema. Þá var hann framkvæmdastjóri lögfræðiaðstoðar Orators 2020-2021. 

Í tilkynningu vegna framboðsins er haft eftir Gunnari Smára að sjaldan hafi verið jafn mikilvægt og nú að halda kjörnum fulltrúum við efnið. „Sveitarstjórnarkosningar eru á næsta leiti og er mikilvægt að ungt fólk láti af sér kveða í þeirri baráttu sem framundan er,“ er haft eftir honum.

Listi Gunnars Smára:

• Brynja Kristín Magnúsdóttir, 26 ára, lögfræðingur.
• Arent Orri Jónsson, 19 ára, laganemi við Háskóla Íslands.
• Halldís Hrund Guðmundsdóttir, 29 ára, fyrirtækjaeigandi.
• Alfreð Ari Chiarolanzio, 30 ára, tæknimaður.
• Silja Ísberg, 29 ára, sérfræðingur hjá ársreikningaskrá.
• Guðmundur Skarphéðinsson, 22 ára, laganemi við Háskóla Íslands og formaður Orators, félags laganema í HÍ.
• Sonja Dís Johnson Guðlaugsdóttir, 20 ára, stúdent úr Verslunarskóla Íslands og vaktstjóri í Hreyfingu.
• Logi Stefánsson, 20 ára, viðskiptafræðinemi við Háskóla Íslands.
• Sædís Jónsdóttir, 26 ára, verkfræðinemi.
• Daníel Hjörvar Guðmundsson, 23 ára, laganemi við Háskóla Íslands.
• Anna Lára Orlowska, 27 ára, sálfræðinemi við Háskólann í Reykjavík.
• Garðar Árni Garðarsson, 21 árs, laganemi við Háskóla Íslands.
• Nína Rún Óladóttir, 27 ára, viðskiptafræðingur.
• Gísli Garðar Bergsson, 18 ára, nemi í Menntaskólanum í Reykjavík.
• Sigríður Birna Róbertsdóttir, 30 ára, meistaranemi í lögfræði við Háskólann í Reykjavík.
• Eiður Welding, 17 ára, nemi í Menntaskólanum í Reykjavík.
• Margrét Björk Grétarsdóttir, 24 ára, íþróttafræðinemi við Háskólann í Reykjavík. 

Listi Birtu Karenar: 

• Birk­ir Örn Þor­steins­son, 20 ára og stund­ar nám í hag­fræði við Há­skóla Íslands
• Dóra Tóm­as­dótt­ir, 17 ára nemi við Mennta­skól­an­um í Reykja­vík
• Elísa­bet Sara Gísla­dótt­ir, 18 ára nemi við Verzl­un­ar­skóla Íslands
• Em­ilí­anna Rut Mika­els­dótt­ir 19 ára stúd­ent úr Mennta­skól­an­um við Sund
• Ey­dís Helga Viðars­dótt­ir, 19 ára nemi við Verzl­un­ar­skóla Íslands
• Kári Freyr Krist­ins­son, 19 ára  nemi við Verzl­un­ar­skóla Íslands
• Lovísa Ólafs­dótt­ir, 20 ára og stund­ar nám í hag­fræði við Há­skóla Íslands 
• Magnús Bene­dikts­son, 21 árs og stund­ar nám í hag­fræði við Há­skól­ann í Reykja­vík 
• Ragn­ar Snæ­land, 23 ára og stund­ar nám í hag­fræði við Há­skól­ann í Reykja­vík
• Salka Sig­mars­dótt­ir, 19 ára nemi við Verzl­un­ar­skóla Íslands 
• Sig­ur­björg Nanna Vign­is­dótt­ir, 22 ára og stund­ar nám í lög­fræði við Há­skóla Íslands

Til viðbót­ar bjóða sex ein­stak­ling­ar sig fram í vara­stjórn:

• Alm­ar Máni Þóris­son, 17 ára nemi við Verzl­un­ar­skóla Íslands
• Bjarki Guðmunds­son, 21 árs og stund­ar nám í hag­fræði við Há­skól­ann í Reykja­vík
• Hilmir Örn Ólafsson, 20 ára og stundar nám í hagfræði við Háskóla Íslands
• Magnús Daði Eyj­ólfs­son, 20 ára og stund­ar nám í viðskipta­fræði við Há­skóla Íslands
• Selma Guðjóns­dótt­ir, 21 árs og stund­ar nám í viðskipta­fræði við Há­skól­ann í Reykja­vík
• Sævar Már Gestsson, 18 ára og stundar nám við Verzlunarskóla Íslands

• Blogga um frétt