Hrafndís Bára Einarsdóttir mun leiða lista Pírata á Akureyri í komandi sveitarstjórnarkosningum en þar munu Píratar bjóða fram eigin lista og stefna á að ná inn fulltrúa í bæjarstjórn. Pétur Óli Þorvaldsson mun leiða Pírata á Ísafirði og stefna Píratar þar einnig á sjálfstætt framboð. Björn Gunnlaugsson verður oddviti Pírata á Seltjarnarnesi en Píratar bjóða þar fram í samstarfi við Viðreisn og óháða.

Varð þetta ljóst í kjölfar þess að prófkjörunum lauk um miðjan dag í gær.

62 kusu í prófkjöri Pírata á Akureyri en í öðru sæti listans er Karl Vinther og Ólafur Búi Ólafsson í því þriðja. 56 kusu á Ísafirði en Herbert Snorrason er í öðru sætinu þar og Sindri Már Sigrúnarson í því þriðja. 49 kusu á Seltjarnarnesi en Logi Björnsson er í öðru sæti þar.

Próf­kjörið var opið Pír­öt­um á landsvísu en alls eru 5376 skráðir í flokk­inn. Því var kjörsókn í hverju prófkjöri fyrir sig um 1%.

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt