Framboðslisti Viðreisnar í Hafnarfirði var samþykktur einróma á fundi félagsmanna í gær.

Oddviti listans er Jón Ingi Hákonarson, núverandi bæjarfulltrúi flokksins. Í öðru sæti listans er Karólína Helga Símonardóttir, fjármálastjóri. Í þriðja sæti er Árni Stefán Guðjónsson, áfangastjóri Flensborgarskólans í Hafnarfirði. Í fjórða sæti er Sigrún Jónsdóttir, flugfreyja, að því er segir í tilkynningu.

„Viðreisn ætlar sér stóra hluti í kosningunum í maí. Við komum inn í bæjarmálin af miklum krafti fyrir fjórum árum og stóðum uppi sem þriðji stærsti flokkur bæjarins. Það er okkar markmið að bæta ofan á þann góða árangur í ár,“ segir Jón Ingi Hákonarson, oddviti Viðreisnar í Hafnarfirði, í tilkynningunni.

„Viðreisn ætlar að leggja áherslu á vellíðan og lífsgæði fyrir bæjarbúa, í öllu og alltaf. Við ætlum okkur að tryggja það að öll börn í Hafnarfirði fái dagvistun frá 12 mánaða aldri og að grunnskólar bæjarins fái hver sitt eigið mötuneyti. Við ætlum að gera stórátak í lagningu hjólastíga og viljum að öll börn í Hafnarfirði eigi rétt á frístundastyrk, ekki bara þau sem náð hafa 6 ára aldri. Í stuttu máli þá viljum við opið og lifandi samfélag í Hafnarfirði, þar sem allir geta notið sín.“

Framboðslisti Viðreisnar í Hafnarfirði 2022:

1. Jón Ingi Hákonarson, bæjarfulltrúi
2. Karólína Helga Símonardóttir, fjármálastjóri
3. Árni Stefán Guðjónsson, áfangastjóri Flensborgarskólans í Hafnarfirði
4. Sigrún Jónsdóttir, flugfreyja
5. Auðbergur Már Magnússon, fyrrv. flugumferðarstjóri
6. Þórey S. Þórisdóttir, doktorsnemi
7. Þröstur V. Söring, framkvæmdastjóri og byggingatæknifræðingur
8. Lilja Guðríður Karlsdóttir, sviðsstjóri og samgönguverkfræðingur
9. Sigurjón Ingvason, lögfræðingur
10. Rebekka Rósinberg Harðardóttir, löggiltur fasteignasali
11. Hrafnkell Karlsson, organisti í Árbæjarkirkju
12. Guðrún Ýr Eðvaldsdóttir, forstöðumaður hjá Klifinu
13. Máni Þór Magnason, nemi
14. Eva Rut Bernhöft Reynisdóttir, nemi
15. Sævar Már Gústavsson, sálfræðingur
16. Sonja M. Scott, mannauðsstjóri CCEP
17. Hermundur Sigurðsson, iðnfræðingur
18. Ásthildur Ásmundardóttir, listakona
19. Daði Lárusson, sérfræðingur hjá Virk
20. Vaka Ágústsdóttir, ráðningar- og þjálfunarstjóri
21. Halldór Halldórsson, eftirlaunaþegi
22. Þorgerður Katrín Gunnarsdóttir, þingmaður

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt