Framboðslisti Viðreisnar í Mosfellsbæ fyrir sveitarstjórnarkosningar sem fara fram 14. maí næstkomandi var samþykktur á félagsfundi í gær.

„Við bjóðum fram öflugan og fjölbreyttan lista fólks sem mun vinna af krafti til þess að bæta bæinn okkar. Frjálslyndi og jafnrétti er leiðarstef okkar og með þessi gildi að leiðarljósi viljum við tryggja að Mosfellsbær verði framúrskarandi samfélag þar sem lífsgæði og jöfn tækifæri íbúa eru í fyrirrúmi,“ segir í tilkynningu.

Oddviti listans er Lovísa Jónsdóttir, hugverkalögfræðingur og varabæjarfulltrúi. Í öðru sæti er Valdimar Birgisson, auglýsingastjóri og bæjarfulltrúi. Í þriðja sæti er Elín Anna Gísladóttir, verkfræðingur og varaþingmaður Viðreisnar.

„Það er margt sem þarf að huga að en það er skýr sýn okkar að Mosfellsbær á að vera leiðandi í umhverfismálum og þjónustu við fatlað fólk, börn og eldri borgara þannig að allir fái notið sín í bænum. Skipulagsmál hafa verið og eru stór áskorun í ört vaxandi bæjarfélagi. Við leggjum áherslu á ábyrga fjármálastjórn og uppbyggingu kröftugs atvinnulífs. Eins viljum við einfalda íbúum lífið í bænum með því bæta stafræna þjónustu bæjarins og tryggja gagnsæja stjórnsýslu. Við hlökkum til að takast á við þessi mikilvægu verkefni og leggja okkar af mörkum til að gera bæinn betri,“ er haft eftir Lovísu.

Framboðslistinn samanstendur af 11 konum, 10 körlum og 1 kvár. Meðalaldur listans er 43,9 ár. Elsti frambjóðandinn er 69 ára en yngsti 19 ára og búseta frambjóðenda er dreifð um öll hverfi bæjarins.

Framboðslisti Viðreisnar í Mosfellsbæ 2022:

1. Lovísa Jónsdóttir, hugverkalögfræðingur og varabæjarfulltrúi
2. Valdimar Birgisson, auglýsingastjóri og bæjarfulltrúi 
3. Elín Anna Gísladóttir, verkfræðingur og varaþingmaður
4. Ölvir Karlsson, lögfræðingur
5. Olga Kristrún Ingólfsdóttir, viðskiptafræðingur og verkefnastjóri
6. Atlas Hendrik Ósk Dagbjarts, framhaldsskólanemi
7. Ágústa Fanney Snorradóttir, framleiðandi og kvikmyndagerðarkona
8. Rúnar Már Jónatansson, rekstrarstjóri
9. Guðrún Þórarinsdóttir, viðurkenndur bókari
10. Þórarinn Helgason, nemi
11. Gréta Jóhanna Ingólfsdóttir, skrifstofufulltrúi
12. Jón Örn Jónsson, verkefnastjóri
13. Emilía Mlynska, mannfræðingur og náms- og starfsráðgjafi
14. Kjartan Jóhannes Hauksson, sölu- og þjónustufulltrúi
15. Hrafnhildur Jónsdóttir, öryrki
16. Reynir Matthíasson, framkvæmdastjóri
17. Ólöf Guðmundsdóttir, kennari 
18. Magnús Sverrir Ingibergsson, húsasmíðameistari
19. Ásta Lilja Maack Sigurðardóttir, leiðbeinandi á leikskóla
20. Sigurberg Guðbrandsson, rafvirki
21. Hildur Björg Bæringsdóttir, verkefnastjóri
22. Bolli Valgarðsson, ráðgjafi

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt