Áslaug Friðriksdóttir, fyrrverandi borgarfulltrúi Sjálfstæðisflokksins, er bæjarstjóraefni flokksins í Ísafjarðarbæ í komandi sveitarstjórnarkosningum.
Greint er frá þessu á vef Bæjarsins besta.
„Eftir stuttan umhugsunarfrest fann ég að bæði hugur og hjarta sögðu já, enda eru taugarnar vestur afar sterkar og hlýjar,“ segir Áslaug í samtali við Bæjarins Besta.
Sjálfstæðisflokkurinn myndar meirihluta með Framsóknarflokki í bænum og er með þrjá af níu bæjarfulltrúum.
Núverandi bæjarstjóri, Birgir Gunnarsson, hefur verið ráðinn til að gegna starfi framkvæmdastjóra rekstrarstofu þjóðkirkjunnar. Hann tekur við því starfi í júní.