Yfirkjörstjórn í Reykjavík hefur vísað undirskriftarmáli E-fram­boðs, Bestu borg­ar­inn­ar, til héraðssaksóknara. Birgitta Jóns­dótt­ir, fyrr­ver­andi alþing­ismaður, er í 24. sæti listans en hún segir undirskrift sína í framboðsgögnum falsaða.

Birgitta og umboðsmenn Bestu borgarinnar voru kallaðir á fund fyrr í dag þar sem farið var yfir málið.

Eva Bryn­dís Helga­dótt­ir, formaður yfir­kjör­stjórn­ar, segir í samtali við mbl.is að niðurstaða fundarins hafi verið sú að yfirkjörstjórn hafi ekki lagaheimild til að taka frambjóðanda af lista á þessu stigi.

Frétt af mbl.is

Þurfi að kæra þetta sem skjalafals

„Það er ekki síst vegna þess að í reglugerð ber okkur að vera með fullbúna atkvæðaseðla sjö dögum fyrir kjördag,“ segir Eva en sveitarstjórnarkosningar fara fram eftir þrjá daga.

„Í kjölfarið samþykktum við að vísa málinu til héraðssaksóknara til rannsóknar og meðferðar.“

Birgitta segir sína undirskrift ekki vera á framboðsgögnunum en umboðsmenn listans segjast ekki vita hvað hafi gerst nákvæmlega.

„Þá er komið mál sem þarf að rannsaka og finna út úr,“ segir Eva Bryndís.

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt