Viðræður um meirihlutasamstarf í borgarstjórn halda áfram en oddviti Framsóknarflokksins í Reykjavík mun ræða við oddvita Pírata í dag. Hann hefur þegar gengið á fund oddvita Samfylkingarinnar og Sjálfstæðisflokksins en þær samræður fóru fram í gær.

Sanna Magdalena Mörtudóttir, oddviti Sósíalistaflokksins, sagði í gær í sam­tali við mbl.is að hún hafi beðið við sím­ann en ekk­ert sím­tal fengið, hvorki frá Ein­ari Þor­steins­syni, odd­vita Fram­sókn­ar­flokks­ins, né frá Degi B. Eggerts­syni, odd­vita Sam­fylk­ing­ar­inn­ar.

Frétt af mbl.is

Draumastjórn Sönnu utan seilingar

Sömu sögu er að segja frá Kolbrúnu Baldursdóttur, oddvita Flokks fólksins, en enginn oddviti hefur átt formlegar samræður við hana um samstarf.

Í samtali við mbl.is í dag segir Einar að hann muni funda með öllum oddvitum sem eiga fulltrúa í borgarstjórn. Hann sé enn að fara „hringinn.“ Má því áætla að Sanna og Kolbrún muni að lokum fá símtal frá framsóknarmanninum. 

Frétt af mbl.is

Reiðubúin að svara kallinu ef það kemur

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt