Svarendum með 1,2 milljónir eða meira í mánaðarlaun líst best á nýja meirihlutann í borgarstjórn Reykjavíkur en hinum tekjulægstu líst síst á hann, samkvæmt nýrri könnun Maskínu. 

570 svöruðu spurningunni „Hversu vel eða illa líst þér á borgarstjórnarsamstarf í Reykjavík á milli Framsóknar, Pírata, Samfylkingarinnar og Viðreisnar?“

12,5% líst mjög vel á og 24,2% frekar vel. Í meðallagi sögðu 23,4% en 10,2% líst frekar illa á samstarfið. Flestum sem svöruðu leist mjög illa á samstarfið eða 29,8%. 

Í hópi svarenda með lægri tekjur en 400 þúsund á mánuði sögðust aðeins 2,3% lítast mjög vel á samstarfið en 33,3% leist mjög illa á nýja meirihlutann.

Annað hljóð var í þeim tekjuhæstu, sem miðast við 1,2 milljónir eða meira á mánuði í tekjur. Í þeim hópi leist 15,8% mjög vel á nýja meirihlutann en í sex mismunandi tekjuhópum var mesta stuðninginn við nýja meirihlutann að finna í þeim hópi. Í þeim hópi sögðust 34,2% lítast mjög illa á samstarfið. 

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt