Katrín aftur í forystu
Setja bókamerki
Katrín Jakobsdóttir forsetaframbjóðandi mælist hæst í nýrri skoðanakönnun en ekki er marktækur munur á henni og Höllu Hrund Logadóttur. Á meðan er Halla Tómasdóttir í leiftursókn.
Þetta kemur fram í skoðanakönnun sem Maskína framkvæmdi fyrir Vísi. Katrín mælist þar með 26,1. Halla Hrund mælist með 21,8% fylgi og tapar rétt tæplega 8 prósentustigum á einni viku.
Baldur Þórhallsson mælist með 16,2% fylgi, sem er lækkun frá seinustu könnun. Halla Tómasdóttir er með 14,9% fylgi og hefur nánast þrefaldað fylgið sitt á milli kannana Maskínu. Hún mældist með 5,4% hjá Maskínu síðasta fimmtudag, 8. maí.
Jón Gnarr mælist með 12,6% fylgi, sem er lækkun. Þar á eftir eru Arnar Þór Jónsson með 5,2% og Steinunn Ólína er með 1,1%. Ásdís Rán, Helga Þórisdóttir, Viktor Traustason, Ástþór Magnússon og Eiríkur Ingi Jóhannsson mælast öll undir 1%.
Ofmeta sparnað í stjórnarráðinu
Strandveiðar „efnahagsleg sóun“
Leiðindaveður yfir jólahátíðina
Strandveiðar í forgangi
Íslendingar vanir að klæða sig vel
Þungt ástand í margar vikur vegna RS-veiru
„Svindlherferðir eru að færast í aukana“
Óveður heldur Holtavörðuheiði lokaðri