Yngri og ferskari húð á náttúrulegan hátt

„Það er vitað að flestar snyrtivörur innihalda rotvarnarefni til að ná sem lengstum líftíma en þessi rotvarnarefni hafa slæm áhrif á  bakteríuflóru okkar,“ segir Jóhanna Benediktsdóttir, vörumerkjastjóri hjá RS snyrtivörum.

„Rotvarnarefnin ráðast ekki bara á slæmar bakteríur heldur líka lífsnauðsynlegar bakteríur sem eru bráðnauðsynlegur þáttur í varnarflórunni.

Í húðvörunum frá Novexpert eru engin rotvarnarefni því með nútímatækni hafa vísindamenn Novexpert þróað efni sem bindur vatnið í vörunum en með þessari tækni ná bakteríur sem flýta fyrir oxun vörunnar ekki að lifa af. Húðvaran hlúir þannig að góðri bakteríuflóru þar sem varan inniheldur engin rotvarnarefni og á sama tíma inniheldur hún góðgerla.“

Jóhanna Benediktsdóttir, vörumerkjastjóri hjá RS snyrtivörum, segir að orðspor Novexpert sé besta auglýsingin. Ljósmynd/Aðsend

Húðvörur sem eru 100% hreinar og náttúrulegar 

RS snyrtivörur hafa nýverið hafið innflutning á húðvörum frá Novexpert, sem er franskt snyrtivörumerki, en sérstaða varanna er einmitt hversu hreinar og náttúrlegar þær eru. Jóhanna talar um að húðvörurnar séu formúlaðar með náttúrulegum og lífrænum innihaldsefnum og innihaldi ekki paraben, sílikon eða nokkur önnur skaðleg efni.

„Vörurnar eru þannig 100% náttúrulegar, 100% vegan og 100% hreinar. Novexpert útilokar fleiri en 4.000 umdeild og skaðleg innihaldsefni sem má finna í mjög mörgum snyrtivörum og þannig stuðla þær að heilbrigðri og ljómandi húð. Staðreyndin er sú að 500 mismunandi sameindir fara inn í húðþekjuna á hverjum degi og margar þeirra hafa óæskileg áhrif á líkamsstarfsemina með einum eða öðrum hætti. Með þessa vitneskju að leiðarljósi lögðu sérfræðingar Novexpert af stað með að þróa og framleiða hreinar húðvörur sem hafa jákvæð áhrif bæði á húð og líkama. Vörurnar eru þróaðar af læknum og vísindamönnum sem eru sérhæfðir í öldrun húðarinnar.

Vörurnar henta öllum húðgerðum og voru þróaðar með vísindalegum rannsóknum til að hámarka virkni og öryggi. Þá eru þær 100% öruggar fyrir barnshafandi konur sem og fyrir konur með barn á brjósti.“

Vörurnar frá Novexpert fást í Lyfjaver við Suðurlandsbraut, Efstaleitis apóteki, ÍslandsApóteki við Laugaveg, Lyfjaval Glæsibæ, Urðarhvarfi og Hæðasmára og í Fræinu Fjarðarkaup. Ljósmynd/Aðsend

Hóflegt verðlag þrátt fyrir gæði og mikla virkni

Jóhanna segir að orðspor Novexpert hafi unnið með vörunum en frá upphafi hafi verið ákveðið að spara þegar kemur að markaðsefni og nota frekar fjármunina í rannsóknir og þróun.

„Markmið vísindamanna Novexpert er og var alltaf að framleiða hágæða hreinar og náttúrulegar snyrtivörur sem erta ekki og eru með framúrskarandi virkni. Hver og ein lína hefur ákveðið hlutverk en allar vörurnar hafa þann sameiginlega þátt að vera fyrir viðkvæma húð þar sem hreinleikinn er hafður í fyrirrúmi. Galdurinn hjá Novexpert er að þeir nota háþróaðar aðferðir til að koma efnunum inn í innsta lag húðarinnar þar sem það hefur sem mest áhrif.“

Í júní hélt fyrirtækið RS snyrtivörur hádegisviðburð þar sem sérfræðingur frá Novexpert kynnti vörurnar og vísindin á bak við þær. Ljósmynd/Aðsend

Örvun kollagenframleiðslu

Allar sex línurnar í húðvörum Novexpert eiga sína sögu en Jóhanna segir að sú skemmtilegasta sé um uppruna kollagenlínunnar. „Einn af frumkvöðlum Novexpert var á brimbrettaferðalagi á eyju rétt við Japan sem heitir Okinawa og tók eftir því hvað eyjabúar væru sérlega unglegir. Þetta vakti athygli hans og skemmtiferðin þróaðist í að verða að ástríðufullum rannsóknarleiðangri þar sem hann fann meðal annars út að eyjaskeggjar eiga að jafnaði þrisvar sinnum oftar aldarafmæli en aðrir í heiminum.

Eftir miklar rannsóknir fundu vísindamenn Novexpert svarið en þökk sé matarvenjum fólksins í Okinawa þá nær það að virkja ákveðið gen sem vísindamenn Novexpert kalla yngingargenið. Staðreyndin er sú að við erum öll með þetta gen en virkjum það ekki. Í framhaldinu þróuðu vísindamenn Novexpert formúlu sem hefur þá virkni að þegar hún er sett á húð þá fer húðin í Okinawa-ham. Þessi formúla er í einkaeigu Novexpert og finnst aðeins í kremum frá þeim. Kremið örvar kollagenframleiðslu húðarinnar það mikið að við getum grætt allt upp í 11 ár og húðin verður yngri og ferskari á náttúrulegan hátt.“

Novexpert fæst í Lyfjaver við Suðurlandsbraut, Efstaleitis apóteki, ÍslandsApóteki við Laugaveg, Lyfjaval Glæsibæ, Urðarhvarfi og Hæðasmára og í Fræinu Fjarðarkaup.

• Blogga um frétt