Facebook-sími ekki á döfinni

Engar áætlanir eru uppi um það hjá aðstandendum samskiptavefsins Facebook að hanna snjallsíma, en orðrómur hefur verið uppi þess efnis. Stofnandi Facdebook, Mark Zuckerberg, blés á allar slíkar sögusagnir. Hann sagði fall á verði hlutabréfa í fyrirtækinu vonbrigði.

„Það er engin ástæða til að hanna slíkan síma,“ sagði Zuckerberg á tækniráðstefnu í San Fransisco í dag. Hann sagði að þrátt fyrir mikið verðfall í bréfum í Facebook á hlutabréfamarkaði, yrði stefnu fyrirtækisins ekki breytt að neinu leyti.

„Auðvitað eru þetta vonbrigði,“ sagði hann. „En við munum halda áfram að tengja heiminn saman.“

Þetta var í fyrsta skiptið sem Zuckerberg gaf kost á viðtölum frá því að Facebook fór á hlutabréfamarkað í maí.

• Blogga um frétt