Magnaðar myndir frá Mars
Setja bókamerki
Öflugasta myndavél í heimi er staðsett á könnunarfari NASA sem hefur sveimað í kringum Mars frá árinu 2006. Á þeim tíma hefur hún tekið ógrynni mynda, sem meðal annars nýttust við að velja lendingarstað fyrir geimjeppann Curiosity eða Forvitni. Myndirnar eru öllum aðgengilegar á netinu og Íslendingur kemur að verkefninu.
„Þetta er fyrsta NASA-vefsíðan á íslensku,“ segir Sævar Helgi Bragason, formaður Stjörnuskoðunarfélags Seltjarnaness, sem þýðir texta síðunnar á íslensku. „Þessi leiðangur, sem heitir Mars Reconnaissance Orbiter, hefur tekið margar stórglæsilegar myndir af yfirborði reikistjörnunnar og sér einnig um að koma öllum gögnum geimjeppans Forvitni til jarðar.“
Bara til á Íslandi og Mars
Sævar segir að myndirnar séu teknar af afmörkuðum svæðum á Mars. „Það er verið að skoða staðbundna jarðfræði á reikistjörnunni í því skyni að kanna plánetuna og læra um hana. Hér er verið að sýna þessa plánetu, sem mörgum þykir spennandi, í allt öðru ljósi. Hún er gerólík jörðinni að mörgu leyti en samt svo lík. Til dæmis fundust þarna jarðfræðifyrirbæri sem bara hafa fundist á tveimur stöðum í sólkerfinu; á Mars og á Íslandi.“
Er líf á Mars? „Það hefur að minnsta kosti ekki náðst enn á mynd,“ svarar Sævar.
Gríðarleg uppbygging austan fjalls á tíu árum
„Lítur mjög illa út gagnvart þessum hópi fólks“
Vegir landsins: Hvar er klæðing og hvar er malbik?
„Gert að vandamáli heilbrigðiskerfisins“
Sex ráðherrar myndu missa sætið sitt á þingi
„Ég mun drepa þig og fjölskyldu þína“
„Í pytti sem við vorum búin að sjá fyrir“
Þrjú lömb urðu dýrbít að bráð og líklega fleiri