Velkomin aftur, elskan!
Setja bókamerki
SpaceX hefur náð að lenda Falcon-eldflaug sinni í fyrsta skipti, eins og mbl.is greindi frá í nótt. Þykir áfanginn marka tímamót í geimiðnaðinum þar sem hægt verður að minnka kostnað og úrgang talsvert með því að endurnýta eldflaugarnar, í stað þess að láta þær falla til jarðar og eyðileggjast.
Bruni flaugarinnar lýsti skærappelsínugulur upp myrkan næturhimininn á Canaveral-höfða í Flórída áður en flaugin lenti upprétt, aðeins nokkrum mínútum eftir að hafa skotið fjölmörgum gervihnöttum á sporbraut um jörðu.
„Fálkinn er lentur,“ ómaði í kallkerfinu við lendinguna og í kjölfarið brutust út gífurleg fagnaðarlæti meðal starfsmanna SpaceX og þeirra sem komið höfðu til að berja lendinguna augum.
SpaceX, undir forystu frumkvöðulsins Elon Musk, stefnir ótrautt á að bylta iðnaðinum, þar sem hingað til hefur þótt venjulegt að tapa milljónum Bandaríkjadala þegar eldflaugar ónýtast eftir geimskot.
„Ég get enn ekki trúað þessu,“ sagði Musk á blaðamannafundi eftir lendinguna, en áður hafði hann fagnað henni með eftirfarandi orðum.
Rússar sagðir útvega N-Kóreu milljón olíutunnur
Drónamyndskeið frá hápunkti gossins í nótt
Fullvissa ferðamenn um að hér sé öruggt
Maskína: Framsókn í fallbaráttu
Hópur fólks reyndi að komast að eldgosinu
Virknin dregist saman um 600 metra