Hneykslismálið breytir ekki Facebook-notkun
Setja bókamerki
Flestir Facebook-notendur í Bandaríkjunum halda tryggð við samfélagsmiðilinn þrátt fyrir fréttir af notkun fyrirtækisins Cambridge Analytica á persónuupplýsingum þeirra til að aðstoða Donald Trump við að hafa sigur í bandarísku forsetakosningunum.
Þetta er niðurstaða nýrrar skoðanakönnunar Reuters/Ipsos survey, sem bendir ekki til þess að fréttirnar hafi haft nein áhrif á notkun fólks á samfélagsmiðlinum.
Fjórðungur þeirra sem svöruðu könnuninni sögðust nota Facebook minna nú, en annar fjórðungur sagðist nota samfélagsmiðilinn meira en áður. Þá sagði helmingur þátttakenda að þeir hefðu ekki breytt notkun sinni á Facebook.
64% aðspurðra sögðust nota Facebook a.m.k. einu sinni á dag, sem er örlítið minna en þau 68% sem sögðust nota samfélagsmiðilinn daglega, skömmu eftir að fréttir af gagnanotkuninni bárust.
Spurðir hvort þeir væru meðvitaðir um stillingu Facebook-síðu sinnar sögðu 74% svo vera og 78% kváðust vita hvernig þeir ættu að breyta henni. Hjá Twitter var hlutfallið 55% og 58% og hjá Instagram var það 60% og 65%.
Michael Pachter, sérfræðingur hjá Wedbush Securities, sagði í samtali við Reuters að Facebook hefði verið heppið að notendaupplýsingarnar virðist aðeins hafa verið notaðar í tengslum við stjórnmálaauglýsingar, en ekki í eitthvað ógnvænlegra.
„Ég á enn eftir að lesa grein sem fjallar um að ein einasta manneskja hafi orðið fyrir skaða af gagnalekanum,“ sagði Pachter.
Könnunin náði eingöngu til bandarískra Facebook-notenda og bíða rannsakendur nú eftir fréttum af stöðu Facebook á markaði eftir annan ársfjórðung þessa árs, en þá var málið hvað mest í fjölmiðlum.
Halla og Kristrún funda á Bessastöðum í dag
Gosmengun berst til norðurs og norðvesturs
„Höfum ákveðið að hefja viðræður“
Evrópumál voru ekki til umræðu
Runólfur í veikindaleyfi
„Það vantar bara brjóstin og gleraugun á Loga“
Voru með 5 sjúkrabíla í verkefnum á brautinni
„Við bara reynum að þrýsta þessu fram“
