Of lágur blóðsykur vanmetinn áhættuþáttur

Hættulega lágur blóðsykur hefur mun alvarlegri afleiðingar fyrir fólk sem er bæði með sykursýki og heilabilun, heldur en fólk sem er bara með sykursýki.

Þetta kemur fram í niðurstöðum nýrrar rannsóknar sem verður kynnt á árlegri ráðstefnu í Berlín í þessari viku sem verður haldin á vegum evrópskra samtaka sem rannsaka sykursýki.

Í rannsókninni kemur fram að eftir að hafa greinst með of lágan blóðsykur var eldra fólk með bæði sykursýki og heilabilun 67% líklegra til að deyja samanborið við þá sem voru bara með sykursýki.

„Of lágur blóðsykur er vanmetinn áhættuþáttur í dauða eldra fólks með sykursýki og heilabilun,“ sagði dr. Katharina Mattishent frá læknaskólanum í Norwich í Bretlandi.

• Blogga um frétt