280 milljónir í nýtt tölvuleikjafyrirtæki
Setja bókamerki
Stofnað hefur verið nýtt tölvuleikjafyrirtæki með tveggja milljón evra fjármögnun, en félagið verður með starfsstöðvar í Helsinki í Finnlandi og í Reykjavík. Meðal stofnenda eru reynsluboltar úr tölvuleikjaiðnaðinum sem hafa unnið hjá CCP, Remedy og Next games og hafa unnið að leikjunum EVE Online, Alan Wake og The Walking Dead: No man‘s land.
Markmið fyrirtækisins er að skapa fyrsta opna fjölnotendaheiminn (social sandbox MMO) sem byggður er frá grunni til að spilast í skýinu.
Framkvæmdastjóri félagsins er Þorsteinn Gunnarsson, en aðrir stofnendur eru Börkur Eiríksson, Kjartan Pierre Emilsson, Fridrik Haraldsson, Reynir Harðarson, Sulka Haro, Kristján Valur Jónsson, Jyrki Korpi-Anttila, Saku Lehtinen, Ansu Lönnberg, Eetu Martola, Vigfús Ómarsson og Jón Helgi Þórarinsson.
Þeir fjárfestar sem fjármagna verkefnið eru tækni- og leikjasjóðir eins og Maki.vc, Play Ventures, Crowberry Capital og Sisu Game Ventures. Þau Harri Manninen og Hekla Arnardóttir hafa tekið í sæti í stjórn og Samuli Syvähuoko verið skipaður stjórnarformaður.
Strandveiðar „efnahagsleg sóun“
Björgunarsveitir kallaðar út í nótt
Fuglager í Grindavík: „Þetta var bara pínu magnað“
Búið að opna Hellisheiði
Æskuvinir sem fóru í víninnflutning frá Georgíu
Spá 13-18 stiga frosti í borginni