2,3 milljarða salerni á braut um jörðu

Bandaríska geimferðamiðstöðin NASA skýtur senn nýju hátæknisalerni til alþjóðlegu geimstöðvarinnar, ISS, til prófana og lokaþróunar. Áformað er að það verði brúkað í ferðum til tunglsins í framtíðinni.

Kostnaður við klósettið er áætlaður 23 milljónir dollara, jafnvirði 3,2 milljarða íslenskra króna.

Er hátæknitól þetta sagt soga úrgang úr líkama þess er hyggst hægja sér á því. Segir NASA að  sogkerfi salernisins hafi verið hannað með þægindi kvenna í huga, ólíkt því sem áður hefði verið. 

Áætlað var að skjóta salerninu á loft í vöruflaug frá Wallopseyju í Virginíuríki í gær. Vegna tæknivandamála var hætt við skotið aðeins þremur mínútum fyrir áformaða himnaför. Gera átti  nýja tilraun í nótt að staðartíma ef takast mætti að ráða bót á vandanum ótilgreinda sem kom í veg frir geimskot í gær.