Mars-geimskutla Musks sprakk í loft upp
Setja bókamerki
Starship-geimskutla fyrirtækisins SpaceX, í eigu athafnamannsins Elons Musk, sprakk í loft upp í gær þegar hún reyndi að lenda aftur á jörðu niðri að loknu annars vel heppnuðu tilraunaflugi í Boca Chica í Texas í Bandaríkjunum.
Starship-geimskutlan sem fórst var 16 hæða há frumgerð geimflaugaflota SpaceX sem ætlað er að flytja menn og tugi tonna varnings til tunglsins og Mars, eins og segir í frétt Reuters.
Musk sagði sjálfur á Twitter í kjölfarið að „þrýstingur í aðaleldsneytistanki hafi verið of lágur“, sem gerði það að verkum að „hraði skutlunnar á leiðinni til jarðar var of mikill“. Geimskutlan fórst um leið og hún lenti á þar til gerðum lendingarpalli, hafandi svifið of hratt til jarðar. Musk sagði þó að tilraunin hefði gengið vel og að SpaceX hefði aflað verðmætra gagna sem nýta megi í tilraunum framtíðarinnar.
„Mars, hér komum við,“ sagði Musk svo á Twitter í nótt.
Yfir 300 stæði fóru undir hraun
„Má segja að þetta gos hafi þjófstartað“
Hraunið náð Njarðvíkuræð: Fylgjast með raflínu
Litlar líkur á að hraunið nái til mannvirkja
Myndir: Grindavíkurvegur aftur undir hraun
Mjög alvarlegt ef Njarðvíkuræð gefur sig
/frimg/1/53/7/1530787.jpg)
Flogið á milli ljósaskipta
Líklega komin á seinni hluta hrinunnar í Svartsengi