Samfélagsmiðillinn Parler í loftið á ný
Setja bókamerki
Samfélagsmiðillinn Parler er kominn aftur í loftið eftir að hafa legið niðri í nokkra daga. Ekki var hægt að nota miðilinn um tíma eftir að tæknirisarnir Google, Amazon og Apple ákváðu öll að hætta að hýsa hann. Sú ákvörðun var tekin eftir innrásina í þinghúsið í Bandaríkjunum 6. janúar sl.
Ástæðan að baki lokuninni var að sögn tæknirisanna meint aðgerðaleysi miðilsins þegar hvatt hafði verið til ofbeldis í gegnum Parler. Reglur miðilsins kveða þó á um enga ritskoðun ólíkt miðlum á borð við Twitter og Facebook.
Vinsæll hjá stuðningsmönnum Trumps
Parler er vinsæll meðal íhaldsmanna vestanhafs, sérstaklega meðal stuðningsmanna Donald Trumps, forseta landsins. Lokað hefur verið á forsetann fráfarandi á stóru samfélagsmiðlunum en hugsanlegt er að hann muni stofna aðgang á Parler.
Samfélagsmiðillinn greindi frá því í morgun að hann væri kominn í loftið að nýju en með einhverju takmörkunum. Forstjóri Parler, John Matze, kvaðst vera öruggur um að miðillinn yrði kominn í samt horf undir lok mánaðar.
Íslenskar konur styðja vitnin í Noregi
„Tilbúin til að takast á við gos í þessum mánuði“
Skoða hvernig ráðuneytið getur beitt sér
Telur að Alfreð hafi verið í geðrofi
Uppbygging íbúða komin í óefni
Tré falla fyrir flugvöllinn