Í jarðskjálftahrinunni sem staðið hefur yfir á Reykjanesskaga frá 24. febrúar hafa skjálftar orðið á fjölda ólíkra staða innan svæðisins. 

Á kortum frá Veðurstofunni má sjá hvar þeir koma upp en hárnákvæm staðsetning þeirra er einnig gefin upp með hnitum í bauganeti, þar sem breiddar- og lengdarbaugar eru notaðir til að ákvarða staðsetninguna.

Spyrjandi á Vísindavefnum lenti í vandræðum með að meta hver fjarlægðin væri á milli tveggja skjálfta út frá þessum hnitum og spurði vefinn hvernig best væri að reikna það út.

Svarið var að einfalt væri að setja hnitin inn í reiknivélar á netinu, sem áætluðu fjarlægðina fyrir mann. Þetta er að sögn vefjarins hentugast, þar sem bilið á milli breiddarbauga á samkvæmt skilgreiningu alltaf að vera jafnt, en er það ekki vegna þess að jörðin er ekki fullkomlega hnöttótt.

Höfundur greinarinnar, Emilía Dagný Sveinbjörnsdóttir, reiknaði út að fjarlægðin á milli tveggja skjálfta með klukkustundar millibili þann 12. mars hafi verið tæpir 800 metrar. Skjáskot/Vísindavefurinn

Tengdar fréttir

Eldvirkni á Reykjanesskaga

Drógu lærdóm af síðasta gosi

• „Bíðum eftir næsta atburði“
• Engar vísbendingar um að kvika sé á leiðinni upp
• Áfram landris og vöktun aukin síðar í janúar
• Telur að eldgosahrinan sé að fjara út

» Fleiri tengdar fréttir

• Blogga um frétt