Hristingur vélhjóla skaðar iPhone síma
Setja bókamerki
Eigendum iPhone-síma er ráðið frá því að festa þá á vélhjól þar sem titringur hjólanna kunni að skemma viðkvæman búnað innan í myndavélum símanna. Þetta kemur fram í viðvörun frá Apple framleiðanda iPhone-símanna.
Hristingur hjólanna getur eyðilagt innbyggða hristivörn (e. optical image stabilization) á linsum símans sem gerir myndbandsupptöku stöðugri. Auk þess getur skjálfti vélhjóla skaddað fókus-búnað myndavélanna.
Á einnig við um létt bifhjól og vespur
Eigendum léttra bifhjóla og vespna er einnig ráðlagt að nota festingarbúnað með einhvers konar dempara fyrir símanna til þess að lágmarka skaða af völdum titrings vélanna.
Einhverjir vélhjólamenn hafa kvartað yfir því á samfélagsmiðlum að myndavélar símanna séu gjöreyðilagðar eftir stuttan túr á hjóli.
Sá hluti myndavélanna sem fer illa út úr skjálfta vélhjóla er hannaður til þess að bæta stöðugleika linsanna og gera símanum kleift að ná skýrari og betri myndum við erfiðar aðstæður. Vélhjól geta því hrist símann svo mikið að virkni og næmni þessa búnaða minnki sem kemur niður á gæðum mynda og myndbanda.
„Mér finnst gamla Samfylkingin komin aftur“
Funda með þingflokkum
Alvarleg netárás á Wise
Bjarni: „Útilokað að þetta geti gengið upp“
Lát hjóna í Neskaupstað: Ákæra gefin út
Fyrsti blaðamannafundurinn í heild sinni
