Niðurstöður lítillar rannsóknar vísindamanna við heilbrigðisstofnun Bandaríkjanna gefa til kynna að viðbrögð ónæmiskerfisins við sýkingum af völdum kórónuveirunnar valdi skaða á æðum í heilanum og geta mögulega verið ástæðan fyrir langvinnum Covid-einkennum.

Rannsóknin, sem birtist í tímaritinu Brain, byggði á krufningu á heila níu manns sem létust skyndilega eftir að hafa smitast af veirunni.

Vísindamennirnir komust að því að mótefni fólksins sem réðst á frumurnar í æðum heilans olli bólgu og skemmdum.

Þessi uppgötvun gæti útskýrt hvers vegna sumir kljást við langtímaáhrif af völdum Covid, þar á meðal höfuðverk, þreytu, tap á bragð- og lyktarskyni, svefnörðugleikum og „heilaþoku“.

Einnig gæti uppgötvunin hjálpað til við meðferð gegn langvinnum Covid-einkennum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt