14 og 18 punda urriðar á land á Þingvöllum

Fyrstu fréttirnar úr Þingvallavatni eru góðar miðað við það sem við heyrum frá veiðimönnum sem eru við veiðar í dag.

Við höfum frétt af einum sem fékk tvo urriða í morgun, 14 punda og 18 punda.  Báðir voru þeir teknir á flugu og sleppt aftur að viðureign lokinni.  Veiðimaðurinn sá vildi ekki gefa upp staðsetninguna sína í fjölmiðlum en sagði þó að hann væri ekki í Þjóðgarði eða Þorsteinsvík heldur í almenningi þar sem fáir legðu leið sína.  Við vonumst eftir myndum af þessum stórfiskum sem allra fyrst.

Í þjóðgarðinum eru nokkrir góðkunningjar okkar og þeir hafa tekið eina eða tvær bleikjur hver en annars eru fáir eða nokkur í einhverri mokveiði enda á engin von á því 1. maí.  Besta veiðin í vatninu hefur gjarnan verið frá miðjum maí fram í miðjan júní en það getur breytt miklu ef tíðarfarið er gott.

Við hvetjum ykkur til að senda okkur veiðimyndir og frásagnir af ykkar veiðitúrum því við drögum einn vinningahafa á viku sem fær glæsilegt flugubox frá Vesturröst fyrir innsendu fréttina.  Sendið okkur póst á veidi@mbl.is

• Blogga um frétt

Seinustu hundraðkallar sumarsins