Stórlaxa frétt úr Haukadalsá

Fram kom hjá leigutökum Haukadalsár í Dölum fyrr í kvöld að einn af stærri löxum sumarsins á landsvísu hefði komið þar á land fyrr í dag. Það var Ásgeir Magnús Ólafsson sem veiddi virðulegan 106 cm hæng í veiðistaðnum Lalla sem er á svæði tvö. Féll sá stóri fyrir micro hitch-túpu og greina leigutakar frá því að líklega sé um að ræða einhvern stærsta fisk sem veiðst hafi í Haukunni í mörg herrans ár. Var hængurinn virðulegi myndaður í krók og kring eftir löndun og sleppt aftur út í ána að þeirri athöfn lokinni. Ekkert lát er á fréttum um alvörustórlaxa héðan og þaðan af landinu á annars lélegu veiðisumri.

• Blogga um frétt

Seinustu hundraðkallar sumarsins