Veiði | mbl | 31.8.2014 | 20:34 | Uppfært 22:59

Stórlaxa frétt úr Haukadalsá

Stoltur veiðimaður hampar stóra laxinum úr Haukadalsá fyrr í dag. FB/Haukadalsa

Fram kom hjá leigutökum Haukadalsár í Dölum fyrr í kvöld að einn af stærri löxum sumarsins á landsvísu hefði komið þar á land fyrr í dag. Það var Ásgeir Magnús Ólafsson sem veiddi virðulegan 106 cm hæng í veiðistaðnum Lalla sem er á svæði tvö. Féll sá stóri fyrir micro hitch-túpu og greina leigutakar frá því að líklega sé um að ræða einhvern stærsta fisk sem veiðst hafi í Haukunni í mörg herrans ár. Var hængurinn virðulegi myndaður í krók og kring eftir löndun og sleppt aftur út í ána að þeirri athöfn lokinni. Ekkert lát er á fréttum um alvörustórlaxa héðan og þaðan af landinu á annars lélegu veiðisumri.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.