Veiði | mbl | 3.8.2015 | 9:31 | Uppfært 9:55

Ágæt veiði í Breiðdalsá og Jöklu.

Nils heldur á 96 sm laxi sem hann veiddi um helgina í Fögruhlíðará á svokallaðn Bismo/Sunray. Nils Folmer

Samkvæmt upplýsingum frá Veiðiþjónustunni Strengjum, sem sér um leigu á svokölluðu Jöklusvæði, hefur veiði verið þar með ágætum undanfarið og árnar við það að ná þriggja stafa tölu.

Erlendur veiðimaður sem var til að mynda á bleikjuveiðum í ósi Fögruhlíðarár fyrir stuttu setti í þrjá laxa, en slíkt er harla óvenjulegt því laxinn veiðist yfirleitt mun ofar í ánni.

Þá veiddi danski veiðimaðurinn Nils Folmer um helgina í Jöklu og Fögruhlíðará og landaði 16 löxum á tveimur dögum. Kvaðst hann hafa orðið var við talsvert af fiski í Fögruhlíðará og hitti þar á göngu. Landaði hann þar meðal annars 96 sentímetra fiski og öðrum úr Jöklu sem var 97, sem eru laxar nálægt 20 pundum.

Þá mun vera ágætur gangur í Hrútafjarðará, sem Strengir leigja einnig. Er áin að nálgast 200 laxa og virðist stefna í mun betri veiði þar en í fyrra. Sömu sögu er að segja austan úr Breiðdalsá, sem nú hefur náð 100 löxum, sem er mun betri veiði en á sama tíma í fyrra.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.