Orri í gala kvöldverð með sænska kónginum

Orri Vigfússon formaður Verndarsjóðs Villtra Laxa (NFSA) var viðstaddur hátíðarkvöldverð samtakanna Baltic Salmon Fund í Stokkhólmi í síðustu viku.

Var þessi kvöldverður meðal annars haldinn í tilefni þess að laxveiðitímabilinu er nú lokið í Svíþjóð,  auk þess að vera fjáröflunarkvöld fyrir Baltic Salmon Fund. Meira en þrjár milljónir sænskra króna (tæplega 45 milljónir íslenskra króna) söfnuðust á þessu fjáröflunarkvöldi og voru heiðursgestir samkomunnar Carl Gústaf XVI Svíakonungur og dóttir hans Christina pirnsessa. 

Auk fjáröflunarinnar var megin tilgangur þessa kvöldverðar að varpa ljósi á þá slæmu stöðu sem blasir við laxastofnunum á svæðinu og minna á mikilvægi þess að bregðast skjótt við með ábyrgum hætti við þessari slæmu þróun.

<span><span>Samtökin Baltic Salmon Fund voru stofnuð í maí árið 2014 með það að markmiði að koma í veg fyrir útrýmingu laxa á þessu svæði, en fyrir liggur að minnsta kosti 52 af 80 ám á svæðinu sem renna í Eystrasaltið hafa tapað villtum laxastofnum sínum á undanförnum áratugum. </span></span>

Seinustu hundraðkallar sumarsins