Hreinsunarátak í Vatnsdal

Fram kemur á vefsíðu leigutaka í Vatnsdalsár í Húnavatnssýslu að á aðalfundi veiðifélgasins hafi fyrir skemmstu þeirri hugmynd verið varpað fram að landeigendur myndu líta til með ánni og fjarlægja rusl við ána.

Hafði stjórn veiðifélagsins hvatt landeigendur að nýta einhverja stund á á fyrstu dögum  júnímánaðar í það verkefni og munu undirtektir hafa verið mjög góðar. Það var svo síðastliðinn sunnudag að allir velunnurum Vatnsdalsár voru hvattir til að mæta í grillveislu í Steinkoti þar sem í boði var grillmatur og drykkir í boði veiðifélagsins.

Margir munu hafa lagt leið sína í Steinkot þennan eftirmiðdag, en áður höfðu margir farið með sínum árhluta og hreinsað þaðan rusl.  Segjast leigutakarnir vera ákaflega ánægðir með þetta framtak og hafi veitt athygli hvar hópar sáust víða að störfum við ána. Leigutakar segjast ekki láta sitt eftir liggja og mun týna úr ánni plast og annað sem þar á ekki að vera um leið vatnið hefur minkað og fært verið á þá staði  sem þörf er.

• Blogga um frétt

Seinustu hundraðkallar sumarsins