Veiði | mbl | 27.6.2018 | 8:06 | Uppfært 13:45

Skáskorin Sunray og fasani

Silungafluga vikunnar er Pheasant Tail. Púpa sem er til í mörgum útfærslum og ætti alltaf að vera í fluguboxi silungsveiðimannsins. mbl.is/Árni Sæberg

Í sumar munum við kynna eina flugu í viku hverri fyrir bæði lax og silung. Við fengum Ólaf Vigfússon í Veiðihorninu til að velja þessar flugur fyrir okkur. Hér birtast þær fyrstu.

Sunray Shadow fleyguð

Fjölmörg afbrigði eru til af hinni vinsælu Sunray Shadow.

Þessi útfærsla, svokölluð skáskorin Sunray er fleyguð að framan og hefur gefið mörgum veiðimönnum góða veiði síðustu sumur.

Það má bæði veiða á hana á dauðareki með sökkenda en einnig á hröðu strippi með flotlínu. Nýrunninn lax stenst hana ekki.

Pheasant Tail

Ef þú ert á leið í silungsveiði aðeins með eina flugur þá velur þú Pheasant Tail. Þetta er gömul alþjóðleg púpa sem tælir silung um allan heim. Fjölmargar gerðir og útfærslur eru til af Pheasant Tail, bæði þyngdar og óþyngdar.

Árangursrík aðferð við veiðar með Pheasant Tail er andstreymisköst með tökuvara. Ef þessi fluga er ekki í boxinu nú þegar væri góður leikur að bæta úr því strax.

Skáskorin eða fleyguð Sunray er mögnuð fluga og þessi útfærsla þar sem skáskorið er framan af henni, er mjög vinsæl um þessar mundir. mbl.is/Árni Sæberg

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.