Veiði | mbl | 1.7.2018 | 15:17 | Uppfært 2.7.2018 14:37

Langadalsá byrjuð að gefa

Glímt við lax í Langadalsá. Lax-á

Fyrsti lax sumarsins kom á land úr Langadalsá við Ísafjarðardjúp síðastliðinn fimmtudag og hafa svo fleiri bæst í hópinn.

Sá fyrsti sem kom á land reyndist vera 69 cm hængur sem veiddist í Efra-Brúarfljóti á fluguna Black Ghost. Í gærmorgun komu svo fimm laxar á land, þrír úr Neðra-Brúarfljóti og tveir af Klöppinni. Allt reyndust það vera nýgegnir smálaxar sem virtust vera skila sér inn á stórstreyminu.

Aðeins einn stórlax hefur veiðst það sem af er sem veiddist í Kirkjubólsfljóti og reyndist vera 80 cm og var sleppt að viðureign lokinni.

Hafa því sjö laxar skilað sér í bók nú þegar og eru menn við Langadalsá bjartsýnir og segja þessa byrjun lofa góðu um framhaldið þar sem smálaxinn er þegar mættur. Athygli vekur að meirihluti þeirra laxa sem landað hefur verið eru hængar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.
101 cm	Laxá í Aðaldal	Richard Jewell	9. ágúst 9.8.