Fluga vikunnar í laxinn er ný útgáfa af klassískri flugu og fyrir sjóbleikjuna er það gjöful púpa. Það er Ólafur Vigfússon í Veiðihorninu sem velur flugurnar og segir deili á þeim.

Black and Blue með kúluhaus

Black and Blue er velþekkt miðsumarfluga.  Black and Blue hefur hér verið hnýtt með kúluhaus sem þyngir fluguna svo unnt er að veiða dýpra með henni án þess að bregða fyrir sig sökkenda.

Kúlan gerir það að verkum að flugan hreyfist öðruvísi í vatni en óþyngd.  Ýmsar vel þekktar laxaflugur hafa nú verið útfærðar með kúluhaus og gefið vel í miklu vatni nú í byrjun sumars.

Alma Rún er mögnuð í sjóbleikjuna. mbl.is/Árni Sæberg

Alma Rún í sjóbleikjuna

Alma Rún er ein af betri púpum í sjóbleikju.  Flugan var upphaflega hönnuð fyrir Hlíðarvatn og notuð þar árum saman áður en hún varð þekkt.

Alma Rún hefur reynst feikivel víða um land, meðal annars í Hraunsfirði og silungasvæðum Húnvetnsku ánna.

Tengdar fréttir

Fluga dagsins

Bláa útgáfan, Royal Frances

• Fjölgar í Sunray fjölskyldunni
• Tvær klassískar flugur í nýrri útfærslu
• Nýjasta útfærslan af Frances
• Randalína í diskóútgáfu

» Fleiri tengdar fréttir

• Blogga um frétt

Seinustu hundraðkallar sumarsins