Mjög góð veiði er í Þverá/Kjarrá í Borgarfirði þessa dagana og göngur smálaxa sterkar í bland við nokkurn stórlax sem er enn að ganga.
Í gærkvöldi hafði 1.043 löxum verið landað samtals úr Þverá/Kjarrá og hafa síðustu þriggja daga hollin verið að taka á bilinu 70 til 110 laxa á hvoru veiðisvæðinu fyrir sig. Er þetta fyrsta laxveiðiáin sem fer yfir 1.000 laxa múrinn í sumar.
Var búið að skrá 606 laxa í Þverá og 442 í Kjarrá í gærkvöldi sem er nokkuð sambærileg veiði og á sama tíma árin 2010 og 2013 þegar heildarveiði fór yfir 3.000 laxa yfir sumarið.
Vatnsstaða er mjög góð í ánum þeirri rigningartíð sem dunið hefur á suðvesturhorni landsins það sem af er sumri. Að sögn leiðsögumanna við ána hafa sterkar göngir af nýgegnum smálaxi vefur verið áberandi allra síðustu daga og eru þar mest áberandi mjög þykkir og sterkir 67 til 69 cm hængar. Þá eru enn einnig að veiðast nýlegir stórlaxar allt að 88 til 92 cm víða um ána.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |