Stangaveiðifélag Reykjavíkur - SVFR mælist til þess við veiðimenn að öllum veiddum fiski í Hítará verði sleppt í sumar. Þetta kemur fram í frétt á heimasíðu félagsins svfr.is.
„Að formi til hefur veiðireglum í Hítará og hliðarám hennar ekki verið breytt af veiðiréttareigendum og því er veiðimönnum heimilt að veiða samkvæmt þeim, þótt góðfúslega sé mælst til þess að öllum fiski sé sleppt,“ segir ennfremur í fréttinni.
Til að örva menn til að sleppa fiski verða dregin út fimm veiðileyfi á næsta ári til handa þeim sem sleppa fiski og skila inn upplýsingum um veiðistað, stærð fisks og senda jafnframt með myndband af sleppingunni.
SVFR mun einnig vinna í því að koma klakkistum fyrir hið fyrsta, í samráði og sátt við veiðiréttareigendur og viðeigandi yfirvöld.
Um veiðina í Hítará segir; „Þeir sem hófu veiðar seinnipart 8. júlí lönduðu 7 löxum þann seinnipart sem verður að teljast gott. Þessa stundina er vatnið í ánni litað, bæði vegna rigninga á svæðinu og þess að áin er að ryðja sér nýjan farveg, en það er von okkar að áin hreinsi sig og nái jafnvægi á næstu dögum.“
Í niðurlagi fréttarinnar eru menn hvattir til samstöðu.
„SVFR mun áfram vera í sambandi við Hafrannsóknarstofnun og önnur yfirvöld með hagsmuni Hítarár og Grjótá og Tálma að leiðarljósi. Þá mun SVFR einnig funda með veiðifélagi Hítarár um þá stöðu sem upp er kominn með sömu hagsmuni að leiðarljósi. Nú þurfa allir að standa saman.“
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |
101 cm | Laxá í Aðaldal | Richard Jewell | 9. ágúst 9.8. |