Veiði | mbl | 27.7.2018 | 15:07

Lifnar yfir Deildará

Elías Pétur Viðfjörð Þórarinsson með fallegan lax sem kom úr Sléttukvörn í Deildará. Freyr Guðmundsson

Samkvæmt upplýsingum frá Frey Guðmundssyni sem leigir veiðirétt í Deildará á Sléttu, rétt sunnan við Raufarhöfn, þá virðist smálaxinn loksins farinn að skila sér.

Að sögn Freys þá hefur smálaxinn verið að láta bíða eftir sér í Deildará líkt og í flestum ám á Norðurlandi. Fram á hádegi í gær voru aðeins tveir laxar af 40 undir 70 cm að lengd.

Það breyttist hins vegar snarlega í gærkvöldi þegar menn urðu varir við talsverða göngu af eins árs laxi og hafa síðustu tvær vaktir skilað sex lúsugum smálöxum á land. Freyr sagði að vonandi væri smálaxinn nú loks að skila sér og það yrðu öflugar göngur af honum á næstu vikum.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.