Fram kemur hjá Stangveiðifélaginu Lax-á sem hefur Tungufljót í Biskupstungum á sínum snærum að nú sé þar mikil veiði.
Tveir menn voru þar við veiðar í gær og lönduðu átta löxum fyrir neðan fossinn Faxa. Létu þeir hafa eftir sér að laxar hafi verið á í nánast hverju kasti fyrir neðan fossinn og urðu þeir varir við mikið líf þar. Nokkrir af löxunum voru nýgengnir úr hafi og lúsugir og þar af voru tvær 75 cm hrygnur í aflanum sem settar voru í klak.
Fram kemur að þeir félagar hafi veitt á tvíhendur með sökkenda og notuðu aðallega túpur eins og bláa Skógá, Snældu og Collie dog.
Veiðimaður sem veiddi á móti þeim í gær var með fjóra laxa á sína stöng og því var 12 löxum landað yfir daginn.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |