Við kynnum til leiks flugur vikunnar. Það er örflugan Brá fyrir laxinn og hin klassíska heimasæta fyrir bleikju og þá sérstaklega fyrir sjógengna.

Brá – örfluga

Líklega besta örflugan í björtu veðri. Nú þegar komið er fram á hásumar og vatn fer að minnka í laxveiðiánum er tími örflugunnar runninn upp.

Brá veiðir sérstaklega vel við viðkvæmar aðstæður og þegar bjart er. 

Best er að veiða með Brá á langa og granna tauma úr flúor carbon og strippa hratt.

Hin klassíska straumfluga Heimasætan er ávallt góð í bleikju og þá sérstaklega sjógenginni. Ljósmynd/Veiðihornið

Heimasætan fyrir bleikjuna

Frábær straumfluga í bleikju og ekki síst sjógengna. Oftast gefur Heimasætan best þegar henni er kastað þvert á eða örlítið niður undan straumi og mendað duglega upp í straum til að hægja á rennslinu. 

Bleikjan tekur Heimasætuna gjarnan þegar byrjað er að draga hana hægt inn eftir að hún hefur stöðvast alveg niður undan veiðimanni.

Tengdar fréttir

Fluga dagsins

Bláa útgáfan, Royal Frances

• Fjölgar í Sunray fjölskyldunni
• Tvær klassískar flugur í nýrri útfærslu
• Nýjasta útfærslan af Frances
• Randalína í diskóútgáfu

» Fleiri tengdar fréttir

• Blogga um frétt

Seinustu hundraðkallar sumarsins