Veiði | mbl | 7.8.2018 | 9:59 | Uppfært 10:58

Stórlax á land úr Gaula

Sigbjørn með laxinn stóra við Gaula í gær. Tomas Helweg

Stórlax veiddist í gær úr ánni Gaula í Noregi á svæðinu Valdøyan/Valdum sem er skammt suður af Þrándheimi.

Það var Sigbjørn Svenkerud sem fékk risahæng þegar hann var þar á veiðum í gær. Þessi risalax mældist 121 cm á lengd og var vigtaður 18,5 kíló að þyngd. Ekki kom fram á hvaða flugu sá stóri veiddist, en Sigbjørn sleppti honum eftir myndatökuna.

Þessu til viðbótar fékk hann 8 og 5 kíló laxa sem einnig var sleppt. Alls komu 13 laxar á land á þessu svæði í gær sem þykir mjög gott þar sem aðeins er búið að veiða 56 laxa á þessu svæði frá því að veiði hófst 1. júní.

54% af veiddum löxum hefur verið sleppt aftur sem er með því hæsta sem gerist í norskum veiðiám.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.