Í meðallagi í Stóru-Laxá

Að sögn Esther­ar Guðjóns­dótt­ur, bónda að Sól­heim­um og for­manns Veiðifé­lags Stóru-Laxár í Hrepp­um, er búið að vera frek­ar dauf veiði í ánni að und­an­förnu, en heild­ar­veiðin þó ná­lægt meðal­veiði.

Sagði Esther að það væru komn­ir á land um 265 á svæði 1 og 2. Frek­ar ró­legt hef­ur verið á svæði 3 og þar er búið að skrá 22 laxa en svæðið hef­ur líka ekki verið mikið stundað það sem af er sumri. Á efsta svæðinu, svæði 4, er búið að færa til bók­ar 62 laxa.

Alls væru því 349 lax­ar komn­ir á land sem væri nokkuð gott og nán­ast sama tala og á sama tíma í fyrra þegar að um 350 lax­ar voru komn­ir á land. Al­mennt væri búið að vera góð veiði i sum­ar, en væri þó frek­ar dauf í augna­blik­inu og kvaðst Esther von­ast til að ástandið myndi  lag­ast í kjöl­farið á rign­ing­um næstu daga.

Stóra-Laxá er þekkt síðsum­arsá sem gef­ur oft mikla veiði síðsum­ars, einkum á neðstu svæðunum. Heild­ar­veiðin sum­arið 2017 var 589 lax­ar. 

• Blogga um frétt

Sein­ustu hundraðkall­ar sum­ars­ins