Veiði | mbl | 19.8.2018 | 13:39 | Uppfært 14:09

Heiðagæs í sögulegu hámarki

Gæsaveiðin hefst á morgun. Heiðagæsastofninn er í sögulegu hámarki. Ljósmynd/Eggert Skúlason

Gæsaveiðitímabilið hefst á morgun. Frá og með 20. ágúst er heimillt að skjóta bæði grágæs og heiðagæs. Þann 1. september hefst svo veiðitímabil á ýmsum andategundum, svo sem stokkönd, urtönd, rauðhöfða og fleiri tegundum. Þann sama dag hefst svartfuglatímabilið.

Á heimasíðu Umhverfisstofnunar, ust.is, kemur fram að heiðagæsastofninn er í sögulegu hámarki. Ekki er greint frá því hver stofnstærðin er, en ljóst að staða hans er gríðarsterk. Stofninn hefur margfaldast frá því á miðri síðustu öld þegar hann taldi 23 þúsund fugla. Árið 2014 var stofn íslensk-grænlensku heiðagæsarinnar talinn vera um 390 þúsund fuglar.

Flestir veiðimenn fara inn á hálendið til að sitja fyrir heiðagæsinni í upphafi veiðitíma. Þegar kólnar og ber og annað æti gæsarinnar eyðileggst, leitar hún í akra og gras og þá er oft hægt að gera góða veiði í fyrirsát.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.