Krókarnir voru að gefa sig

„Ég svín­tók á hon­um og var ekki nema fimmtán mín­út­ur að landa hon­um,“ sagði Jó­hann Hafn­fjörð um stór­lax­inn sem hann landaði í Laxá í Aðal­dal á Nesveiðum, nú eft­ir há­degi. Fisk­ur­inn tók Mun­ro Killer núm­er 14. „Krók­arn­ir voru al­veg á síðustu metr­un­um, farið að rétt­ast vel úr öðrum og hinn byrjaður að svigna. En það tókst að háfa hann,“ sagði Jó­hann kampa­kát­ur í sam­tali við Sporðaköst.

Fisk­ur­inn veidd­ist í Beygj­unni og seg­ir Jó­hann að hann muni ekki eft­ir öðru eins sjón­arspili með stór­lax. „Hann stökk sjö sinn­um og það var mik­il­feng­legt að sjá þenn­an fleka hreinsa sig og skella í vatnið.“ Jó­hann seg­ist alltaf taka fast á þess­um fisk­um. „Marg­ir eru hrædd­ir við að missa þá í slý eða eitt­hvað slíkt en ég tek bara á þeim.“

Það veiðast ekki marg­ir fisk­ar á dag í Laxá í Aðal­dal þess­ar vik­urn­ar. En hlut­fallið af þess­um allra stærstu er ótrú­lega hátt. Jó­hann fékk tvo „hundraðkalla“ í fyrra og sagði í dag létt­ur í bragði að hann ætlaði að taka ann­an í Vitaðsgjafa í kvöld.

Fisk­ur­inn mæld­ist 104 senti­metr­ar og 51 senti­metri í um­mál. „Þetta er svona 23 pund­ari,“ sagði Jó­hann.

• Blogga um frétt

Sein­ustu hundraðkall­ar sum­ars­ins